港女網上拋胸數臭男友

網上的世界真係無奇不有，繼早前一段名為「長腿港女同四眼豬扒爭仔」的兩女爭一男廣告片段，成為熱話後，近日於網上又流傳一段名為「谷胸港女數臭男友」的片段，十日左右，瀏覽人數已近十萬，片段中女主角初時衣著密實，但直至她鬧男友冇良心冇本心，嫌棄她上圍只有AA cup而分手時，她隨即拉開外套，拋胸並自豪地說：「我想話你知，我同你分開咗三個月後，有啲乜嘢轉變，呢家我係C，係C呀！」

雖然港女透過網上鬧男友不足為奇，但有不少網友就認為「谷胸港女」太強調三個月由AA cup變C cup，加上她不時拿著一樽藥物，所以覺得片段9成9是廣告。